Colexio de Quintela-Moaña

Día da Paz

2012-01-28T11:13:00.002+01:00

Despois de varios días de actividades relacionadas coa Paz: lectura de contos, debates, traballos plásticos, reflexións colectivas,etc, o luns imos celebrar o Día da Paz todos xuntos.
O alumnado de sexto dará lectura a un manifesto pola Paz.
Cada curso enviará unha mensaxe de Paz .
E despois todos cantaremos a nosa canción de este ano:

Somos la nueva semilla del futuro de la vida
somos los niños que cantan por la paz y la esperanza
dame la mano, vamos todos a soñar con la paz.
Paz, paz, paz, paz. paz. paz,paz.

30 de Xaneiro, Día da Paz

2012-01-25T10:42:00.003+01:00

POEMA SOBRE A PAZ

SÓ TRES LETRAS,

TRES LETRAS NADA MÁIS,

SÓ TRES LETRAS

QUE PARA SEMPRE APRENDERÁS.

SÓ TRES LETRAS

PARA ESCRIBIR PAZ

PARA CANTAR PAZ

PARA FACER A PAZ.

A P DE POBO,

A A DE AMAR

E A ZETA DE ZAFIRO OU DE ZAGAL.

(DE ZAFIRO POR UN MUNDO AZUL,

DE ZAGAL POR UN NENO COMA TÍ)

(Gloria Fuertes)

Bo Nadal

2011-12-15T19:08:00.000+01:00

Bon Nadal

View more presentations or Upload your own.

As caras do Outono

2011-11-27T14:09:00.000+01:00

Coa chegada do Outono os nenos/as de 6º de Educación Infantil e 1º de Educación Primaria falamos un pouquiño mais das "Cousiñas" do Outono: Cambios atmosféricos (chuvia, vento...), as cores, as árbores, os froitos (vimos ourizos, noces, mazorcas de millo, cabazas...).

¡O NOSO CONTORNO CAMBIAAAA!!.

Pero sobre todo falamos de como nos sentimos nesta nova estación: contentos, tristes, enfadados, desgustados, sorprendidos, malhumorados...

Así que aprobeitando unhas cantas follas das árbores, confeccionamos este mural:

plasmando os nosos sentimentos.

¡e tamén nos Divertimos!

SALTAMOS!

2011-11-25T23:04:00.000+01:00

Estas últimas semanas, nas clases de E.F., estivemos traballando as Habilidades Motrices Básicas nos cursos de 3º e 4º. Unha das Habilidades traballadas foi o salto coas súas variantes. Levounos tempo e moito traballo lograr saltar por enriba dun compañeiro ou compañeira sen medo, pero... conseguímolo!!! A profe premiounos cun xogo que nos gusta moito, que é a carreira de sacos.

Aínda que a profe se enfadaba porque as cousas non saían todo o ben que ela cría que tiñan que saír, quedou moi contenta cos resultados.

MAGOSTO

2011-11-12T10:34:00.000+01:00

O pasado xoves, celebramos no colexio o MAGOSTO. Fixemos xogos populares típicos da zona na que vive o alumnado, como tema relacionado directamente co San Martiño, festa tradicional do lugar. Tamén tivemos tempo de pintar as caras, saltar por enriba da fogueira, comer e comer castañas...

Ahí vai un video co resumo do momento.

Que é o Samaín?

2011-10-31T19:29:00.002+01:00

Samaín

View more presentations from bibliotecadocole

O SAMAÍN

2011-10-27T22:16:00.001+02:00

Estes días, estamos traballando no cole o Samaín. Todos os cursos, tanto de Infantil como de Primaria, están facendo actividades relacionadas con este festexo. Unha desas actividades, foi que os nenos e nenas, en colaboración coas familias, elaborasen unhas cabazas para decorar as aulas e os diversos andares do cole.

Aquí van unhas imaxes do resultado dese traballo feito:

XOGOS DE ANTES...

2011-10-20T10:38:00.000+02:00

Aproveitando o bo tempo que tivemos neste comezo de curso, nas clases de Educación Física, adicámonos a coñecer xogos populares e tradicionais da zona na que vivimos e que practicaban os nosos papás, avós... Algúns nenos e nenas xa sabían dalgún, pero tamén quedaron sorprendidos con outros que descoñecían.

Amosamos un video resumo dalgúns dos xogos.

Foron momentos de moita diversión e moita risa!

Practicamos xogos coma o pano; 1,2,3, escondite inglés; o trompo; a petanca; salto de comba...

MECANOGRAFÍA

2011-10-05T09:43:00.000+02:00

Este curso, os compoñentes do Equipo Tics do cole, propuxémonos traballar co alumnado na aula de informática o teclado do ordenador, é dicir, a mecanografía. O primeiro paso que fixemos foi poñer no fondo da parede da aula un teclado de cores xigante, indicando nas mans da parte inferior, as teclas que pulsa cada dedo. Ao longo do curso, iremos facendo diversos xogos e actividades relacionadas con este tema.

BALONMÁN

2011-09-23T19:21:00.000+02:00

Hoxe viñeron ao cole un par de entrenadores do Clube de Balonmán de Moaña. O que fixeron foi amosarlles un video ao alumnado de 3º, 4º, 5º e 6º sobre esta disciplina deportiva.

Despois da clase teórica, os nenos e nenas practicaron na pista uns poucos lanzamentos a portería....

Para, ao final da sesión, xogar un partido de balonmán entre eles.

Antes de volver a clase, os monitores déronlles un folleto informativo co horario de adestramento en caso de estar interesados na práctica deste deporte.

Inicio de curso

2011-09-10T11:21:00.001+02:00

O luns 12 de de Setembro iniciamos un novo curso.O horario será de 9 a 2, agás os pequenos de 4º de Infantil, que se irán imcorporando a súa aula segundo o horario de adaptación que se lle achegou ás familias.O profesorado do CEIP Quintela desexavos a todos e todas un bó curso!

REMO

2011-06-21T09:14:00.001+02:00

O pasado xoves día 17, membros do Club de Remo Samertolameu viñeron ao cole a darlles unha charla ao alumnado do 3º ciclo sobre este deporte, para animalos a participar nun curso de verán que organizarán no mes de xullo. Trouxeron ergómetros nos que os nenos e nenas simularon unha parte dun entrenamento desta modalidade deportiva, e cos que o pasaron xenial!

Olimpíada Escolar

2011-06-15T18:27:00.002+02:00

O pasado fin de semana, celebrouse a XXXI Olimpíada Escolar do Concello de Moaña. Participaron nenos e nenas de varios clubes de atletismo e tamén centros escolares de Moaña; aínda que tamén houbo participación dalgúns colexios de Cangas.

Queremos darlle os PARABÉNS a todos os nenos e nenas que, co seu esforzo e participación, lograron unha merecida terceira posición para o noso colexio.

Solicitude de axudas para mercar os libros de texto curso 2011/12

2011-06-01T17:02:00.001+02:00

A Consellería de Educación no DOG do 31 de maio acaba de publicar a Orde de axudas pra mercar libros de texto
Prazo: Do 1 ao 31 de xuño ( É conveniente presentar as solicitudes antes de que terminen as clases)
Cursos: 1º, 2º, 5º e 6º de Ed. Primaria
Documentación: Solicitude cumprimentada e libro de familia
Contía das axudas: Situación persoal e exercicio fiscal do 2009:
Renda per cápita familiar ata 5.400€...170 €         Desde 5.400€ ata 9.000€...90€
Renda per cápita familiar ata 6.000€...170 €         Desde 6.001€ ata 9.000€...90€

Para máis información, no DOG,   ou no portal da Consellería de Educación:
http://www.edu.xunta.es/web/

FESTIVAL DAS LETRAS GALEGAS

2011-05-26T10:32:00.004+02:00

O pasado día 23, celebramos no colexio o Festival das Letras Galegas, dedicadas este ano a Lois Pereiro. Todo o alumnado participou neste festexo recitando poemas, cantando cantigas, facendo obras de teatro....

A continuación, presentamos algúns videos desta celebración:

- "A princesa do Courel" (6º de EI)

- "Rock da miña rúa" (1º de EP)

- "Galicia", poema de Manuel María (6º de EP)

Viaxe a Taragoña

2011-05-24T20:35:00.000+02:00

Mañá mércores, e cumprindo a programación do Equipo de Dinamización da Lingua Galega, faremos unha visita ao CEP Brea Segade de Taragoña . Viaxarán ata alí o alumnado de 2º, 3º, 4º, e 5º de Primaria, que xa compartiron con eles dúas xornadas o curso pasado. É unha actividade que gusta moito aos rapaces e ao profesorado, pola posibilidadede compartir xogos e experiencias, ver outro cole e facer amigos.
Dentro de uns días seremos nós os seus anfitrións en Moaña.

A cebra Camila en Madrid

2011-05-19T11:32:00.001+02:00

Entrega do premio Boas prácticas na biblioteca escolar

2011-05-18T19:40:00.001+02:00

Crónica da entrega de Premios

2011-05-13T23:41:00.001+02:00

Esta vez encargámoslle a Óscar e Noa, os alumnos que foron a Madrid a crónica do día:

Open publication - Free publishing - More biblioteca

Si queredes ver algunhas fotos, entrade AQUÍ

En Madrid

2011-05-13T18:59:00.000+02:00

Ministerio de Educación

Xunta de Galicia

Faro de Vigo

Viaxamos a Madríd

2011-05-08T18:35:00.000+02:00

O mércores 11 de maio vaise celebrar na Biblioteca Nacional, en Madrid a entrega de premios de "Boas prácticas na innovación e dinamización da biblioteca escolar"

O noso colexio estará alí para recibir o seu premio, representado polo director, a coordinadora de biblioteca, e a coordinadora de Normalización.
Nos acompaña ademais Iván Costa Blanco, antiguo alumno do colexio e protagonista da primeira entrada na galipedia realizada polo noso alumnado, ademais de dous nenos da clase de cuarto (Noa e Óscar) que contarán o conto "A cebra Camila" coa técnica do Kamishibai. Veremos tamén un vídeo que mostra as distintas actividades que realizamos na nosa biblioteca escolar.

Temos campións en Quintela

2011-05-04T09:51:00.001+02:00

Os días 30 de abril e 1 de maio os remeiros de Tirán foron a Ferrol para competir no Campionato de España de bateis.

Participaron clubs procedentes de Cantabria, País Vasco, Asturias e Galicia.

O equipo infantil de Tirán quedou de primeiro e gañou a bandeira.

Entre os integrantes deste equipo estiveron os nosos compañeiros Brais González Martínez de 5º e Pablo López Romero de 6º.

PARABÉNS COMPAÑEIROS!!!

AERÓBIC 6º CURSO

2011-04-22T11:56:00.001+02:00

Este curso, dentro da programación de Educación Física, estaba incluido o traballo da expresión corporal e o ritmo a través do aeróbic. O alumnado de 6º, co seu traballo en cada sesión, conseguiu facer unha pequena coreografía que merece a pena ver. Parabéns nenos e nenas!!!!!!

Saída de 5º

2011-04-14T12:28:00.001+02:00

Lingua galega tv

2011-03-14T22:39:00.002+01:00

Lingua galega tv, a canle de televisión por internet, subvencionada pola Secretaría Xeral de Política Lingüística ven de publicar o vídeo filmado no noso centro sobre o Proxecto de Innovación en Normalización Lingüística, agora de Dinamización .

Para acceder, hai que seleccionar do primeiro grupo de vídeos "Lingua, cámara, acción", o titulado "Premios de Innovación en Dinamización Lingüística. Poderemos ver tamén unha reportaxe sobre o proxecto do IES de Rodeira , en Cangas, que tamén resultou premiado.Preme na imaxe.

Festa de Entroido

2011-03-05T11:21:00.002+01:00

Este ano, dentro do proxecto de Innovación en Normalización Lingüística, planificamos un entroido tradicional, co ánimo de facer chegar aos maís cativos e cativas un xeito de vivir o entroido encardinado con personaxes que case estamos esquecendo. Os CURRUVELLOS foron os protagonistas e a diversión estivo garantizada cando poidemos comprobar as transformacións de alumnado, familias e profesorado.

EXCURSIÓN Á CORUÑA

2011-03-04T17:17:00.000+01:00

O pasado día 1 de marzo, o alumnado de 4º, 5º e 6º cursos, foi de visita á cidade da Coruña. Os lugares nos que estiveron foron o Aquarium de Finisterrae, o Domus e a Torre de Hércules.

Foi un día cheo de emocións e novas experiencias...

Xadrez

2011-03-02T12:46:00.002+01:00

O clube de xadrez de Moaña, Bobby Fischer, alcanzou o subcampeonato de Liga o pasado febreiro no CEIP de Nigrán no que participaron un total de nove equipos.
Dous xogadores do equipo son os alumnos de sexto do noso colexio: Anxo Rúa e Carlos Urdampilleta.
Os nosos parabéns para eles.

Matricula

2011-02-28T17:10:00.001+01:00

Dende maña dia 1 de Marzo, e ata o 31 do mesmo mes, estará aberto o período de matrícula para o curso 2011/2012.
Poden pasar pola secretaria do centro para recoller a documentación necesaria.

2º ENCONTRO PROGRAMA "XOGADE"

2011-02-17T09:56:00.003+01:00

O pasado xoves día 10 deste mes, o alumnado do terceiro ciclo participou no programa "Xogade" desde a área de Educación Física. As actividades que se practicaron foron voleibol e bádminton.

Aviso

2011-02-16T15:56:00.001+01:00

En base ás predicións da Axencia Estatal de Meteoroloxía e Meteogalicia, ante a previsión dun adverso meteorolóxico de vento con refachos superiores a 100 km.h (alerta laranxa) en tódolos concellos da provincia de Coruña e Pontevedra así como ós integrados na comarca da Mariña Lucense.
De acordo coa recomendación formulada pola comisión de alertas meteorolóxicas reunida o día de hoxe as 11 da mañá comunícolle a suspensión de actividades extraescolares e as que se realicen ó aire libre durante toda a xornada do 16 de febreiro de 2010.
Esta decisión non supón a suspensión de actividades docentes nin do transporte escolar, pero recomendase o seguimento da información meteorolóxica para o caso dun empeoramento da predición ou do incremento de risco na localidade onde radique o centro escolar.
A información pode seguirse nos enderezos electrónicos:
www.aemet.es
,www.meteogalicia.es
e www.112galicia.org

O conselleiro de Educación e Ordenación Universitaria.
Asdo.: Jesús Vázquez Abad

Calendario 2011

2011-01-18T13:07:00.001+01:00

Aquí temos a presentación dixital do calendario que elaboramos no primeiro trimestre, coas ilustracións do alumnado de todos os cursos.
Recollemos en cada mes unha parte significativa de Moaña, o centro de atención do proxecto deste ano.

Open publication - Free publishing - More colxio

Felices festas

2010-12-24T21:06:00.000+01:00

Último día do trimestre

2010-12-21T19:38:00.002+01:00

O mércores, como é o último día do trimestre, temos unha programación especial.
Como todos os anos, imos merendar todos xuntos chocolate con churros.
Logo recibiremos a Papá Noel, que traerá un agasallo para cada aula.
A continuación recreo con música de nadal, e despois imos disfrutar de un pouco de cine:

As clases comenzarán o 10 de xaneiro.
Felices festas a todos e todas

Encontros na área de E.F.

2010-12-21T16:58:00.004+01:00

O pasado día 16 de decembro, o alumnado de 5º y 6º cursos participaron na primeira xornada do programa "XOGADE", nas modalidades deportivas de balonmán e baloncesto xunto co alumnado dos colexios de Tirán, A Guía, Reibón e Seara.

Premio para a biblioteca do cole

2010-12-15T16:11:00.001+01:00

No colexio de Quintela estamos moi, moi contentos.

Acabamos de recibir a noticia de que veñen de concedernos o III Premio do Ministerio de Educación no "concurso nacional de buenas prácticas para la dinamización e innovación de las bibliotecas escolares", cunha dotación económica de 7.000 euros.

Este premio non sería posible sen a colaboración e implicación nos traballos da biblioteca de todo o profesorado e familias.

Gracias a todos e todas, e a seguir traballando coa ilusión que nunca nos faltou!!!!

Un día movido

2010-11-26T22:45:00.001+01:00

O mércores foi un día moi movido no cole:

Os nenos e nenas de 4º de Infantil , os peques do cole, foron á fonte de Entrevalos e ao lavadeiro da Miranda (mandoulles "Paco", a mascota, Proxecto auga)

Os alumnos/as de segundo de Primaria foron pintar á praia da Xunqueira (Proxecto Innovación)

A profe de terceiro de Primaria empezou a gravar as voces dos seus alumnos/as para un audiovisual sobre as súas mascotas (Proxecto Innovación)

Os nenos e nenas de cuarto de Primaria remataron as súas presentacións dixitais sobre os tiburóns (Proxecto tiburóns)

O alumnado de quinto e sexto de Primaria asistiu a unha charla sobre os cogumenos .(Proxecto Fomento do galego)

E ademais o club de lectura de 5º curso xuntouse na biblioteca,

Que cole máis movido!!!!

Magosto no cole

2010-11-09T21:35:00.001+01:00

Mañá imos celebrar o magosto no colexio. Como todos os anos, asaremos as castañas, e xogaremos cos trompos, bólas, ...e máis xogos.

A ver si sabedes resolver esta adiviña!:

ALTA ESTOU

LADRÓN VEXO VIR

DO MEU CARAPUCHO

NON PODO FUXIR.

"TRADICIONAL"

Quédavos aquí un enlace ao blog do cole "Poemas para peques" que ten máis poemas e adiviñas de outono.

Video conferencia

2010-11-04T16:21:00.008+01:00

Hoxe, con motivo da celebración da xornada "Pola ciencia en galego". os nenos e nenas de 3º ciclo tiveron a ocasión de celebrar unha videoconferencia cos científicos e científicas galegas que traballan no Consello Europeo para a investigación nuclear (CERN) , coa colaboración da Facultade de Física, da Universidade de Santiago de Compostela.

Esta actividade foi organizada pola Coordinadora Galega de Equipos de Normalización Lingüística.

O obxectivo era dobre:

Ver como co galego pódese chegar lonxe.

Coñecer que cousas se traballan no CERN.

Os nenos e nenas tiveron ocasión de facerlles preguntas.

Máis información no blog de Terceiro Ciclo e no de Normaliza Dinamiza

Tamén saimos no Faro de Vigo

A nosa biblioteca

2010-11-02T21:52:00.001+01:00

O pasado fin de semana celebráronse os III Encontros de Bibliotecas Escolares de Galicia.

Xuntáronse 1.200 docentes relacionados coas bibliotecas para escoitar conferencias e compartir experiencias.

Como todos os anos, algunhas profesoras do cole acudiron para aprender, compartir, mellorar.

Tivemos ademáis a posibilidade de falar de algunhas das nosas experiencias na biblioteca escolar do noso cole.: os traballos documentais, as aportacións á galipedia, as produccións multimedia, o traballo por proxectos, a participación das familias nas actividades da biblioteca,..

Pódese ver máis información sobre os Encontros en:

Bibliotecas escolares de Galicia

Un novo premio

2010-10-27T23:36:00.001+02:00

Estamos de noraboa:
A Consellería de Educación e Ordenación Universitaria ven de anunciar a resolución aos premios e Innovación en dinamización Lingüística.
De novo, e por segundo ano, o nos centro ve premiado o seu proxecto, (En galego pola rede II) que é unha continuidade do anterior.

Os premiados nesta edición, xunto co noso colexio son:
CEIP de Aguiño, en Ribeira (A Coruña), o CRA Mestra Clara Torres, en Tui (Pontevedra), o IES Perdouro, en Burela (Lugo) e o IES Rodeira, en Cangas (Pontevedra)
A información, na páxina da Xunta:
Consellería de Educación e Ordenación Universitaria

OLIMPIADA ESCOLAR

2010-10-22T10:20:00.002+02:00

O pasado día 16 de outubro, celebrouse a Olimpíada Escolar como motivo da inauguración das novas pistas de atletismo da Xunqueira.

O noso colexio acadou a terceira posición, grazas a colaboración e esforzo do noso alumnado.

PARABÉNS nenos e nenas!!!!!!!!!!

Ben falado

2010-10-05T01:17:00.001+02:00

Preme na imaxe para acceder ao vídeo do programa Ben Falado, que o pasado venres emitiu o seu programa sobre o noso colexio:

Axenda escolar

2010-10-02T11:40:00.001+02:00

Este curso, o departamento de Orientación do colexio , en colaboración cos equipos de Dinamización da lingua galega, e Biblioteca escolar, deseñou a axenda escolar do centro.

Esta axenda é para o uso do alumnado dende 2º ata 6º de Primaria.

Auxiliares de conversa

2010-09-26T19:04:00.003+02:00

O ministerio de Educación ofertou a estudiantes universitarios de diferentes paises plazas como "Auxiliares de conversa" para os centros de ensino non universitarios, co fin de mellorar a competencia lingüística en inglés do alumnado.
O noso colexio é un dos que poderán ter durante o curso un Auxiliar de conversa. A súa labor comenzará en outubro, e rematará no mes de maio.
Esta semana chegou xa a Moaña. e poidemos coñecelo: trátase de Eric, estudiante de Bellas Artes do estado de Illinois, en EE UU.
Estamos moi contentos de contar con él.

Comenzo de curso

2010-09-07T15:54:00.004+02:00

As clases comenzan o día 10 de Setembro, no horario habitual; de 9 a 2.

As actividades de tarde empezarán no mes de outubro

I CROSS ESCOLAR REIBÓN

2010-06-22T09:03:00.003+02:00

O pasado domingo día 20, algúns dos nenos/as do cole participaron no I CROSS ESCOLAR DE REIBÓN.

A gran maioría deles obtiveron unha copa por quedar entre os 5 primeiros clasificados, aínda que todos obtiveron unha fermosa medalla polo seu esforzo e participación.

Desde o cole queremos felicitalos pola súa excelente actuación.

2010-06-08T15:59:00.004+02:00

A finais do mes pasado, o alumnado do 3º ciclo de E.P. participou nun encontro organizado polo programa XOGADE no pabillón de Reibón, xunto cos colexios de Seara, Reibón e A Guía. A actividade que realizaron foi o Balonkorf e o Kin-ball. Foi unha xornada de convivencia e aprendizaxe destas dúas modalidades de deportes alternativos.

Calendario

2010-05-26T22:09:00.003+02:00

Estas son algunhas das actividades que imos facer estes días:

Venres 29 de Maio:

1º, 2º, 3º e 4º de Primaria irán de visita ao colexio Brea Segade de Taragoña-Rianxo.A chegada será sobre as 18 horas.

Luns 31 de Maio:

6º curso saida de 6º curso a Cabeza de Manzaneda.

Martes 1 de Xuño:

Reunión de nais e pais dos alumnos de 4º de Infantil do curso 2010-2011. "
"Portas abertas" para os alumnos novos de Infantil.
"Portas abertas" na biblioteca escolar para pais e nais a partir das 16 horas.
"Festa das actividades extraescolares" a partir das 16 horas.

Intercambio

2010-05-10T16:14:00.003+02:00

O martes 11 de maio, esperamos a visita do C.E.P. Brea Segade de Taragoña. Este intercambio forma parte do proxecto de Fomento do galego do noso centro. O obxectivo é poñelos en contacto cos nenos e nenas da súa idade galego-falantes.
Temos preparada unha xornada na que chegarán de Vigo en barco, visitarán o pobo de Moaña, coñecerán o noso cole e xogaremos xuntos.
Ao longo do curso intercambiamos fotos, vídeos, contos, cartas e correos, agora queremos coñecelos en persoa e facer novos amigos.
En Audiobliblio podemos atopar as presentacións sobre Moaña que deseñou o alumnado do terceiro ciclo. Aquí tedes unha:

View more presentations or Upload your own.

Preparando a visita

2010-05-06T16:31:00.003+02:00

A vindeira semana, e si o tempo non o impide, imos recibir a visita do alumnado de 1º e 2º ciclo do CEIP Brea Segade de Taragoña.
Esta visita forma parte do Proxecto de Normalización Lingüística. Despois de un intercambio de postais, correos, vídeos e contos,.. estamos desexando recibilos.

Concerto da Escola de Música

2010-04-19T18:36:00.009+02:00

A Escola de Música de Moaña, igual que en cursos anteriores agasallounos co conto musicado "A viaxe das bolboretas".Cada personaxe era interpretado por un instrumento e caracterizado por un ritmo e melodía diferentes.
Clarinete, frauta,saxo, trompeta,trombón...transformados en vermes,tesoiriñas,xoaniñas,grilos... Unha acertada maneira de acercarnos ao mundo da música.
Parabéns pola execución , a selección de melodías e a adaptación do conto.

Enterro da xoubiña

2010-02-21T18:02:00.007+01:00

Científicos e científicas, descubridores e descubridoras do lume, inventos prodixiosos,Newton e as súas mazás.... todos nos demos cita o sábado 20 de febreiro na praia do Con para participar no Enterro da Xoubiña. E Paco tamén veu con nós:

Plazo de admisión

2010-02-19T18:43:00.006+01:00

O plazo de admisión para o curso 2.010/2.011 estará aberto dende o 1 ata o 31 de Marzo.

A partir do día 1 pódese pasar polo colexio para recoller a documentación necesaria.

Descarga aquí o folleto informativo sobre as instalacións, horarios, actividades e dotación do colexio.

Festa de Entroido

2010-02-11T16:28:00.004+01:00

Tal como é tradicional, o venres día 12 imos celebrar no noso colexio a FESTA DO ENTROIDO.

De 11,30 a 12 haberá degustación de sobremesas típicas en cada clase.

Ás 12,30 cada curso vai cantar as súas murgas, e logo saíremos en comparsa dando unha volta polas rúas próximas ao colexio.

Aproveitamos para recordarvos que o luns 15 e o martes 16 haberá actividades de animación infantil no pavillón da Xunqueira, organizadas polo Concello.

Millo corvo

2010-02-02T20:04:00.007+01:00

O curso pasado mercamos unha espiga de millo corvo e plantámola na escola.(proxecto Voz Natura)

Este outono recollemos a colleita. Como non temos hórreo, puxemos as espigas a secar nas aulas do segundo ciclo, porque da moito o sol.

Coas follas (follaco) fixemos un colchón!!!!

Hoxe no patio, o profe Antón (coordinador do proxecto) explicaunos que o millo veu de América.

Logo ensinounos a debullalo, e despois fixo cos carozos un xoguete. Os nenos e nenas debullaron, debullaron,...

Día da Paz

2010-01-31T16:32:00.005+01:00

Despois de diferentes actividades nas clases ao longo da semana, (actividades plásticas, debates, cuestionarios sobre a paz,poemas de paz, lectura de contos, ...) o venres saímos ao patio todo o colexio para celebrar o día da Paz.

Iniciouse o acto coa lectura dun poema por unha alumna de sexto.
Logo, o alumnado de terceiro ciclo interpretou o himno da Paz coa frauta.Despois cantámola entre todos.
Por último, un alumno/a de cada ciclo soltou unha pomba.

CARREIRA POPULAR MOAÑA

2010-01-26T16:09:00.006+01:00

Diverso alumnado do CEIP Quintela partipou a pasada fin de semana na Carreira Popular que se celebrou no Concello de Moaña.

A pesar do mal tempo, a asistencia foi bastante elevada e
os nenos e nenas recibiron unha merecida medalla polo

seu esforzo e participación.

Concerto de música popular

2010-01-19T22:55:00.004+01:00

Os nenos e nenas do segundo ciclo disfrutaron o luns co Concerto para nenos de música popular galega, dos gaiteiros da Xistra, no auditorio de Caixanova en Vigo.

Aprenderon o nome de distintos instrumentos musicais, cantaron e algúns "voluntarios"participaron na actuación.

ENCONTROS EDUCACIÓN FÍSICA

2010-01-19T17:46:00.009+01:00

Hoxe tivemos o segundo encontro das xornadas de convivencia a través do deporte para o terceiro ciclo de Educación Primaria. Nesta ocasión participamos o cole de Quintela, o cole de Reibón e o cole da Guía. As actividades realizadas foron voleibol, baloncesto e bádminton.
A experiencia foi bastante positiva; os nenos e nenas disfrutaron dunha xornada de convivencia co alumnado dos outros colexios.

Nadal no cole

2009-12-22T21:00:00.011+01:00

Hoxe no cole, despois de tomar chocolate con churros, recibimos a visita de Papá Noel e logo fomos cantar cancións de Nadal ao auditorio.

Papá Noel tiña de axudante a Kathy, a profe de educación física.

Trouxo xogos e libros de agasallo para todas as clases e caramelos para todos.

Máis fotos nos blogs de ciclo:

Primeiro ciclo en Quintela

Segundo ciclo en Quintela

Terceiro ciclo en Quintela

O cole de Quintela na tele

2009-12-22T19:32:00.003+01:00

A semana pasada estivo a televisión galega no noso cole:

Espera uns segundos a que cargue o vídeo, antes de darlle a play.

Festa de Nadal

2009-12-18T18:00:00.004+01:00

O vindeiro martes 22, o último día de clase, levaremos as notas deste trimestre.

Como todos os anos, imos recibir a visita de Papá Noel.

Ademais haberá chocolate con churros para todos.

Esta é a tarxeta gañadora do concurso de tarxetas de Nadal.

A autora do debuxo é Patricia, de 5º curso.

O texto é de Samuel, tamén de 5º.

Ultima hora

2009-12-15T20:31:00.003+01:00

A Consellería de Educación e Ordenación Universitaria decidiu, como medida de precaución, a suspensión das clases en todos os centros educativos de Galicia durante a xornada de mañá, día 16 de Setembro.

A medida tómase en base á predición da Axencia Estatal de Metereoloxía dun fenómeno meteorolóxico adverso con precipitacións en forma de neve que afectarán á Comunidade Autónoma de Galicia a partir das 00,00 do mércores 16 de Decembro.

ENCONTROS EDUCACIÓN FÍSICA

2009-12-06T10:29:00.010+01:00

O pasado día 3 de decembro, o alumnado do terceiro ciclo de E.P. asistiu a unhas xornadas de convivencia organizadas polos mestres de E.F. dos coles de Reibón, Quintela e Seara. O obxectivo destes encontros é fomentar as relacións sociais entre o alumnado da zona por medio de actividades deportivas. Nesta ocasión xogaron ao bádminton e ao baloncesto.

Premios á innovación en normalización lingüística

2009-12-02T22:21:00.003+01:00

No CEIP Quintela volvemos a estar de noraboa!!!:

Veñen de publicarse os Premios á innovación en normalización lingüística nos centros escolares.

O noso centro é un dos premiados co proxecto "En galego pola rede".

O proxecto deberá desenvolverse no curso 2009/2010.

Aquí tedes a lista dos premiados:

CEIP Aguiño, Ribeira (A Coruña)
CEIP A Gándara-Sofán, Carballo (A Coruña)
CEIP A Pedra, Bueu (Pontevedra)
CEIP Bergantiños, Carballo (A Coruña)
CEIP Quintela, Moaña (Pontevedra)
IES Menéndez Pidal (A Coruña)
IES Sardiñeira (A Coruña)

Debido á calidade dos proxectos presentados, concédense ademais 4 accésit.

IES Félix Muriel, Rianxo (A Coruña)
IES Perdouro, Burela (Lugo)
IES Rodeira, Cangas (Pontevedra)
IES Porto do Son, Porto do Son (A Coruña)

Se queredes toda a información, clicade AQUÍ

Parabens aos demais centros!!!

Xornada do magosto

2009-11-09T12:24:00.008+01:00

Mañá martes faremos o magosto no cole.Haberá unha xornada de xogos populares,cancións de outono e danzas.Este será o horario e distribución dos xogos:

Premio especial ás competencias lectoras

2009-11-05T19:14:00.005+01:00

Hoxe, no colexio, recibimos unha boa nova:

O Ministerio de Educación comunicounos que o blog da biblioteca escolar do colexio de Quintela, dentro da convocatoria
"Premios a materiales educativos en soporte eléctronico que puedan ser utilizados y difundidos en Internet"
acaba de recibir o "Premio Especial a las Competencias Lectoras".

Avaliación do diagnóstico

2009-10-20T19:24:00.004+02:00

O mércores 21 de outubro o alumnado de 5º curso do noso centro realizará a proba de"Avaliación do diagnóstico".
É unha proba que se realiza simultaneamente en todos os centros de Primaria de Galicia.
Esta proba inicialmente estaba prevista para ser realizada ao alumnado de 4º curso durante o mes de maio do curso pasado, pero foron aprazadas ata esta nova data.
A proba consiste nuns caderniños que avalían as Competencias Lingüística e Matemática.

Ademais as familias, o propio alumnado, o titor/a e a dirección do centro deben cubrir un cuestionario.

O resultado destas probas serán por centro, polo que o alumnado e as familias non poderán acceder aos mesmos.

MÁIS SOBRE A GRIPE A

2009-09-21T17:13:00.006+02:00

Como andamos de competencias lingüísticas? Compróbao observando este vídeo.
Unha animación chegada dun programa educativo do Brasil.

Novo blog no cole

2009-09-11T22:02:00.005+02:00

Os nenos e nenas de segundo ciclo empezan unha nova experiencia:

O blog de segundo ciclo.

Será unha ferramenta para traballar a competencia dixital e as novas tecnoloxías, ademais de unha maneira divertida de ir amosando traballos e experiencias de aula.

Esperamos os vosos comentarios.

Oseu enderezo é:

http://segundocicloenquintela.blogspot.com/

Queremos contarvos tamén que os de quinto e sexto de Primaria van traballar no blog de sexto de xeito colaborativo:

http://cursodesexto.blogspot.com/

Asimesmo, o alumnado de Infantil ten o seu blog, dende o que os profes seguirán mostrando os avances, experiencias e "aventuras " dos mais peques do cole de Quintela:

http://infantilquintela.blogspot.com/

Comenzo das clases

2009-09-09T20:38:00.004+02:00

Mañá xoves comezarán as clases.

O horario vai ser coma sempre de 9 a 2.

O comedor escolar comezará a funcionar a partir do luns 14 de setembro.

Benvidos a todos e todas !!!!

Información gripe A

2009-08-27T11:34:00.009+02:00

A Xunta de Galicia, achéganos información sobre a gripe A de cara ao inicio de curso.

Recomendacións para o curso escolar 2009/2010

Información para pais e nais de nenos en idade escolar

Outras informacións

Si queredes saber máis, aquí atoparedes información xeral da consellería de Sanidade sobre o tema:

Bolsas de axuda para a adquisición de libros de texto

2009-08-26T21:17:00.006+02:00

A Xunta ven de sacar a normativa sobre as bolsas de axuda para a adquisición de libros de texto do alumnado de 1º, 2º, 5º e 6º de Primaria, así como educación especial.
Recordade que 3º e 4º de Primaria aínda teñen os libros gratuitos este curso.
Aquí tedes a información:

Portal educativo Xunta de Galicia

Curso de mecanografía

2009-07-24T00:39:00.004+02:00

O verán é un bo momento (sobre todo si é tan chuvioso coma este) para aprender mecanografía. Probade con este, vaivos gustar:

Listado de libros para o vindeiro curso

2009-07-01T13:25:00.005+02:00

Este é o listado de libros para o curso 2009/2010. Non esquezades pedir factura, por si a precisades para as becas de libros:
1º curso de Educación Primaria:

- “Ven ler” cadernos 1- 2- 3
Editorial AKAL
ISBN – 84- 7600- 779- 5 (CADERNO 1)
_ 84- 7600- 780- 9 (CADERNO 2)
_ 84- 7600- 781- 7 (CADERNO 3)

- “Lecturas de aquí e de acolá”
OBRADOIRO Santillana
ISBN: 978- 84- 8224- 536 - 2

- “Coñecemento do medio”
OBRADOIRO Santillana
PROXECTO A Casa do Saber
ISBN 978- 84- 8224- 700- 7

- “Matemáticas”
MUNDO DE CORES Vicens Vives
ISBN 978- 84- 316- 1062- 3

- “Lengua 1”
EDEBÉ Primaria
ISBN 978- 84- 236- 8326- 0

2º curso de Educación Primaria:

- “Matemáticas 2” 1º ciclo 2º curso Vicens Vives
Galicia Mundo de cores
ISBN 978- 84- 316- 1066- 1

- “Lingua 2 Primaria” Proxecto A Casa do Saber
Obradoiro Santillana
ISBN 13: 978- 84- 8224- 709- 0

- “ Coñecemento do medio 2 Primaria” Proxecto A Casa do Saber
Obradoiro Santillana
ISBN 13: 978- 84- 8224- 717- 5

- “Salta a la vista” 1º ciclo de primaria
Anaya
ISBN 978- 84- 667- 5516- 0

Libros de texto 3º Curso 2009-10

CADERNOS

FIND OUT! 3 Activity Book Editorial Macmillan ISBN 978-1-4050-7828-3

LENGUA 3 Actividades Editorial Vicens-Vives ISBN 978-84-316-8639-0

LIBROS
RELIXION CATOLICA 3º Rodeira primaria grupo Edebé 2008
ISBN 978-84-8349-129-4
Libros de texto 4º Curso 2009-10

CADERNOS

FINT OUT ! 4 Activity Book Editorial Macmillan ISBN 978-1-4050-7839-9

LENGUA 4 Actividades Vicens-VIVES ISBN 978-84-316-8662-4

LINGUA 4 Caderno Anaya ISBN 978-84-667-6793-4

MATEMATICAS 4 SANTILLANA
Primeiro trimestre ISBN 978-84-8224-794-6
Segundo trimestre ISBN 978-84-8224-795-3
Terceiro trimestre ISBN 978-84-8224-796-0

LIBROS
Relixion Catolica 4º Rodeira primaria grupo edebé 2008 ISBN 978-84-8349-130-0

Libros de texto 5º Curso 2009-10
Lingua Galega

Lingua 5 Primaria
Proxecto A Casa do Saber
Obradoiro Santillana
ISBN: 978-84-8224-837-0

Lengua Castellana

Lengua 5: Lengua Castellana y Literatura . Mundo de Colores
Editorial Vicens Vives
ISBN:978-84-316-9142-4

Matemáticas

Matemáticas 5 “Imos indo”
Rodeira Primaria
ISBN:978-84-8349-223-9

Coñecemento do Medio

Coñecemento do Medio 5 “Imos indo”
Rodeira Primaria
ISBN : 978-84-8349-222-2

Inglés

Find out student’s book Donna Shaw- Mark Ormerod. 2007
ISBN :978-1-4050-7849-8
Find out 5 Activity book. Donna Shaw- Mark Ormerod. 2007
ISBN:978-1-4050-7858-0

Relixión

Relixión Católica 5 º Rodeira Primaria
Rodeira Grupo Edebé 2009
ISBN: 978-84-8349-025-9

Libros de texto 6º Curso 2009-10

Lingua Galega

Lengua 6 Primaria
Proxecto A Casa do Saber
Obradoiro Santillana
ISBN: 978-84-8224-872-1

Lengua Castellana

Lengua 6 Mundo de colores
Lengua castellana y literatura
Editorial Vicens Vives
ISBN:978-84-316-9183-7

Matemáticas

Matemáticas 6 “ Imos indo”
Rodeira Primaria
ISBN:978-84-8349-228-4

Coñecemento do medio

Coñecemento do medio 6 “Imos indo”
Rodeira Primaria
ISBN: 978-84-8349-227-7

Inglés

Find out 6 Activity book. Donna Shaw- Mark Ormerod. 2007
ISBN: 978-1-4050-7872-6

Relixión

Relixión Católica 6º Rodeira Primaria
Rodeira Grupo Edebé 2009
ISBN: 978-84-8349-026-6

Educación para a Cidadanía

Educación para a Cidadanía Terceiro Ciclo
Rodeira Primaria
ISBN:978-84-8349-232-1

Gratuidade de libros de texto 2009-2010

2009-06-27T17:37:00.003+02:00

Nota enviada pola Consellería con data 26 de xuño

A Consellería de Educación informa aos centros educativos das novidades no programa de libros de texto para o vindeiro curso escolar:

A Consellería de Educación e Ordenación Universitaria aportará 180 € por alumno de familias con rendas baixas grazas ao novo sistema de axudas á compra de libros en centros públicos e concertados, que vai sustituír progresivamente ao mecanismo de préstamo vixente. O novo programa dotará ás familias de bolsas que cubrirán a compra en función do nivel da renda, asegurando axudas para as familias con menos recursos.
A bolsa cubrirá a totalidade do gasto en libros para familias con ingresos de ata 5.400 euros anuais por persoa no fogar –ou ata 6.000 €, se a familia é monoparental- cunha axuda máxima de 180 euros por cada neno. Para as familias con ingresos entre 5.400 e 9.000 euros por persoa no fogar –ou entre 6.000 e 9.000 € no caso das monoparentais-, a Consellería garante unha axuda aproximadamente da metade do custo.
Ademais, a bolsa será de ata 250 euros para o alumnado de Educación Especial,
independentemente dos ingresos familiares.
A convocatoria de solicitudes de bolsas sairá publicada este verán e abrirá un prazo durante o mes de setembro para que as familias soliciten as axudas nos centros educativos. A Consellería implantará un sistema de tramitación que non supoña un traballo adicional para os centros, do que se informará en canto se ultimen os detalles.
Implantación progresiva
O sistema de axuda á compra de libros comezará nos dous próximos cursos para 1º, 2º 5º e
6º de Primaria e Educación Especial, que son os niveis nos que o calendario fixaba a
reposición total. No curso 2011-12 sumaranse 1º e 3º da ESO, para pasar a cubrir todos os niveis a partir do curso 2012-13.
Polo tanto o programa actual de préstamo irá desaparecendo paulatinamente durante a
implantación do novo sistema, polo que o vindeiro curso os alumnos de 3º e 4º de Primaria e os de Secundaria recibirán os lotes xa existentes nos centros no mes de setembro. Durante o mes de xullo sariá publicado no DOG a convocatoria de reposición para estes cursos nos que se mantén o préstamo o vindeiro curso, que será similar á de anos anteriores en canto a importes máximos.
Santiago de Compostela, 26 de xuño de 2009
O DIRECTOR XERAL DE CENTROS E RECURSOS HUMANOS
José Manuel Pinal Rodríguez

Olimpíada Escolar

2009-06-26T09:42:00.009+02:00

O día 20 de xuño celebrouse a XXIX Olimpíada Escolar organizada polo Concello de Moaña, contando coa colaboración do Clube de Atletismo de Samertolameu de Meira.

Nela participaron varios colexios e o instituto das Barxas, sendo un deses centros o noso, o cal acadou o primeiro posto. Queremos darlle a noraboa a todos aqueles nenos e nenas que co seu esforzo e participación fixeron posible a consecución deste primeiro posto.

Amosamos un vídeo que recolle o medalleiro obtido polos nosos atletas.

Visita ao concello de Moaña

2009-06-08T00:38:00.003+02:00

O segundo e terceiro ciclo foron coñecer o concello.Onde se toman as decisións,onde traballa a Policía Municipal,como fan os veciños e veciñas para resolver as cuestións...
Despois o concelleiro de Medio Ambiente amosoulles como se estaba a recuperar o areal da Xunqueira e que tipo de plantas se daban nel.

CÍES

2009-06-04T19:12:00.006+02:00

O mércores día 3 de xuño, os nenos e nenas de 5º curso visitaron a Illa de Cíes, con motivo da invitación do Parque Nacional das Illas Atlánticas de Galicia.
A visita foi guiada por unha monitora que lles explicou a importancia de respectar a natureza (as dunas, a vexetación, os mamíferos, os peixes...) mediante a realización dunha ruta.
Despois tiveron un tempo para comer, descansar, tomar un xeado e xogar na praia.

Iván Costa Blanco no cole

2009-05-21T23:29:00.004+02:00

Festival das Letras Galegas

2009-05-18T23:17:00.001+02:00

Mañá teremos o festival das Letras Galegas do cole.
Este é o programa:

"Rataferoz" 5º.Teatro
"Media volta" 1º. Danza
"A galiña azul" 3º .Teatro
"Pin Pon" 2º. Canción.
"O polo Pepe". 3 e 4 anos. Canción.
"Ronsel da lingua" 4º. Música.
"Son de muiñeira" 3º. Danza con acompañamento de Xabier Blanco
"Peza de gaita". Xabier Blanco
"Os tres porquiños" 5 anos. Canción.
"Falemos galego" 5º. Pandeiretas
"Na beira do mar" 6º. Frauta.
"A verdadeira historia de Carapuchiña" 6º. Teatro

Centro cultural Daniel Castelao
Martes 19 as 4 da tarde.

4ª Xornada deporte na escola. Atletismo-natación

2009-04-27T07:49:00.006+02:00

O pasado día 20 do presente mes, o alumnado do terceiro ciclo particiou na última xornada do programa "Deporte na Escola", que tiña tamén, como parte do mesmo, unha xornada de atletismo e natación que se celebrou o día seguinte, no Pavillón da Raña, en Marín.

Mostramos uns vídeos sobre ambos acontecementos e aproveitamos para darlle a noraboa a todos os nenos e nenas pola súa excelente actitude ao longo destos encontros.

3ª xornada do deporte na escola

2009-03-24T22:51:00.006+01:00

O luns día 23 do presente mes, o alumnado do 3º ciclo participou na 3ª xornada do deporte na escola, celebrado no pavillón de Reibón. Temos que destacar a mellora, tanto a nivel persoal como grupal, de todos os nenos e nenas no seu comportamento, na súa actitude ante as normas, no respecto aos demáis...

Aviso

2009-03-18T12:36:00.002+01:00

O venres día 20 de marzo non hai clases, xa que está contemplado como día non lectivo no calendario escolar para toda Galicia.

Plantación no colexio

2009-03-11T20:57:00.008+01:00

O noso colexio participa no proxecto Voz Natura, que coordina o profesor Antón.

Hoxe saimos todos a plantar árbores frutais.Cada curso plantou unha laranxeira na parcela que queda debaixo da pista. Como está moi ben orientada, esperamos ter pronto unhas boas laranxas.Para eso temos que regalas moito!!

Admisión de alumnado para o curso 2009/10

2009-02-28T16:14:00.006+01:00

CALENDARIO DE ADMISIÓN DE ALUMNADO CURSO 2009/2010

● PRESENTACIÓN DE SOLICITUDES DE ADMISIÓN. Do 1 ao 31 de marzo de 2009, na secretaría do colexio.Horario de 9 a 2:30

● PRESENTACIÓN DOCUMENTACIÓN BAREMACIÓN (se procede). Do 1 ao 20 de abril de 2009

● RESOLUCIÓN PROVISIONAL DE ADMITIDOS. 23 de abril de 2009

● PRAZO DE RECLAMACIÓNS. do 24 ao 30 de abril de 2009

● LISTAXES DEFINITIVAS DE ALUMNADO admitido e non admitido. 7 de maio de 2009

● FORMALIZACIÓN DA MATRÍCULA. Do 20 ao 30 de xuño de 2009

INFORMACIÓN SOBRE OS PROXECTOS E SERVICIOS DO COLEXIO:

http://ceipquintela.googlepages.com/matrícula

Teléfono : 986311268

Entroido en Quintela

2009-02-20T20:39:00.006+01:00

Hoxe celebramos o Entroido no colexio.
Grazas as familias pola súa colaboración, e por acompañarnos neste día de festa.
Aquí tedes algúnhas fotos :

FESTA DO ENTROIDO

2009-02-18T20:07:00.003+01:00

Tal e como é tradicional no colexio, o venres día 20 imos celebrar a FESTA DO ENTROIDO.

De 11,15 a 11,45 haberá nas clases unha degustación de postres típicos de Entroido. Contamos coa colaboración das familias para que llos mandedes.

As 12,30 nas escaleiras da entrada serán as actuacións, cantando as murgas que compuseron en cada clase. Cando remanten, sairemos en comparsa dando unha volta polos arredores do colexio.

Convidamos a tódalas nais/pais a disfrazarse e facer con nós o percorrido.

Os días 23, 24 e 25 de febreiro non haberá clases.

O luns día 23 e o martes 24 , a partires das 16 h haberá actividades de animación infantil con monitores no pavillón da Xunqueira.

DEPORTE NA ESCOLA

2009-02-13T21:56:00.007+01:00

O día 11 do presente mes celebrouse a segunda xornada do deporte na escola, na que está inscrito o alumnado do 3º ciclo desde a área de Educación Física. Esta vez celebrouse no Pavillón de Reibón, e ata alí nos desprazamos para pasar unha xornada de boa convivencia, amizade, xogo, compañeirismo... Presentamósvos un pequeno resumo do que foi ese día.

Aviso urxente

2009-02-08T12:18:00.000+01:00

SUSPENDIDA A ACTIVIDADE ESCOLAR

A Dirección Xeral de Protección Civil informa, mediante un parte emitido ao efecto, que no día de mañá a Comunidade Autónoma verase afectada por un episodio de meteoroloxía adversa motivado por fortes ventos que cualifica de nivel laranxa (risco importante), circunstancia que aconsella a adopción de medidas urxentes para a protección da comunidade educativa.

Diante de tal alarma, a Consellería de Educación e Ordenación Universitaria acorda a suspensión de toda actividade escolar nos centros educativos de ensino non universitario de toda Galicia, durante toda a xornada lectiva do día de mañá, luns, 9 de febreiro.

DÍA DA PAZ

2009-02-06T09:16:00.003+01:00

O día 30 de xaneiro celebrouse no cole o Día da Paz. Levamos a cabo unha serie de actos con motivo desta conmemoración...

DEPORTE NA ESCOLA

2009-01-15T10:11:00.003+01:00

Neste curso académico, o 3º ciclo de E.P. foi inscrito nun programa de Deporte na Escola desde a área de E.F.
Consiste en encontros entre centros da comarca nos que se xogan partidos de balonmán, baloncesto, fútbol, bádminton, voleibol e xogo cultural, buscando fomentar entre os nenos e nenas a boa convivencia, o compañeirismo, o respecto...
No mes de decembro, celebrouse a 1ª xornada no Pavillón do Gatañal en Cangas.

XOGOS POPULARES

2009-01-15T10:01:00.004+01:00

Ao longo do 1º trimeste, na área de E.F. traballáronse, entre outras cousas, os xogos populares, autóctonos e tradicionais cos distintos cursos da E.P.
Entre os xogos practicados, destacan a cachisa ou billarda, a chave, a petanca, as canicas e o trompo.
No xogo da petanca, contamos coa colaboración de Maruja, membro da Asociación de Mulleres de Moaña.

Visita de Papa Noel no colexio

2008-12-19T21:43:00.004+01:00

Hoxe foi o último día de clase do 1º trimestre.

A partir das 11 fixemnos unha chocolatada para o alumnado e recibimos a visita de Papa Noel para entregar agasallos a todas as clases: xogos e contos.

Despois algúns alumnos representaron unha obra de teatro no auditorio Daniel Castelao, e todos xuntos cantaron panxoliñas.

Por último todos os alumnos e alumnas de 6º curso fixeron un pequeno resumo deste trimestre, e manifestaron os seus desexos para o vindeiro ano.

As clases comezarán de novo o xoves 8 de xaneiro.

Premio para 6º curso

2008-12-16T15:38:00.005+01:00

Os nenos e nenas de 6º curso acaban de recibir o 1º Premio de Murais do Parque Natural Illas Atlánticas 2008. Os traballos gañadores estarán expostos na Casa da Xuventude de Vigo (López Mora 31) dende o día 23 de Decembro ata o 7 de Xaneiro.
O horario de visita da exposición é de 9:00 a 14:00 e de 17:00 a 21:00. O local estará pechado os días 24 e 31 de Decembro e o día 5 pola tarde.
Noraboa aos nenos e nenas gañadores, e as profesoras deles, Mª Carmen e Charo!

CAMPAÑA DE ANIMACIÓN LINGÜÍSTICA

2008-11-30T21:41:00.004+01:00

VOCES Á ORELLA é o nome da campaña ,pola que Política Lingüística quere animar a mozos e cativos a empregar a nosa fala,gozando de distintos espectáculos teatrais.

.Ademais,grazas aos acordos coas editoriais,estas agasallan a cada rapaz ou rapaza participante cun libro.
O xoves Infantil,e o primeiro ciclo asistiron a "REMOLDIÑO VAI Á FEIRA",representada por CASAHAMLET

Polo Samaín as cabazas deben rir

2008-11-03T22:01:00.006+01:00

Chegado o outono, queríamos recuperar a tradición do tallado de caveiras.Noutros tempos,era moi común facer estes enredos aos máis cativos,e tamén gastar algunha broma a outros non tan pequenos.Todo a conta dos cabazos,que se recollen por estas datas.
A proposta foi ben acollida polas familias,tanto que superou calquera previsión.Xuntámonos con case un cento de caveiras,de todas as formas imaxinables,cada unha máis orixinal que a anterior.Noraboa a todas as familias e grazas pola xenerosa participación.

ACTIVIDADES EXTRAESCOLARES 2008/09

2008-10-20T13:01:00.003+02:00

Dende o día 1 de outubro están funcionando as actividades extraescolares programadas pola ANPA e un equipo de profesores/as . O calendario é o seguinte:

LUNS..... Informática (2 grupos); atletismo e xogando co inglés
MARTES.... Futbito
MÉRCORES......Tenis e debuxo e pintura
XOVES......... Cociña (2 grupos)
VENRES....... Balonmán e música.

A biblioteca do colexio está aberta tódolos días.