Música entrada e saída

 

Magosto

 O luns celebramos o magosto no cole. Divertímonos moito cos xogos populares (carreiras de sacos, zancos, soga tira...), comemos castañas e tamén un chouripán co que nos agasallou a ANPA, a que queremos agradecer unha vez máis a súa gran axuda e colaboración co centro.

PROTECTORA DO MORRAZO

A aula de 6º de infantil está desenvolvendo un interesante proxecto sobre os CANCIÑOS, a mascota elexida para este curso. 

Como parte da investigación, puxémonos en contacto coa Protectora de Animais do Morrazo e organizamos un recollida solidaria de comida para cans e gatos. Visitamos as aulas avisando ó resto do alumnado e animamos a toda a comunidade educativa a participar.

Tamén tivemos a sorte de recibir no centro a visita das coidadoras da protectora, Lorena e Sandra, que nos explicaron a súa labor diaria e resolveron todas as dúbidas do alumnado sobre o coidado e a protección dos canciños.

Dende aquí queremos agradecer a colaboración e o entusiasmo de todas as familias, así como o apoio da Protectora do Morrazo para facer posible esta experiencia tan especial.

 

Música entrada e saída

 

Cros Zonal Xogade

Aquí deixamos un pequeno resumo do cros zonal que se disputou o martes nas inmediacións das pistas de atletismo da Xunqueira.

Samaín organizado pola Anpa

 Mirade que video resumo tan chulo da festa do Samaín nos fixo a ANPA. Unha vez máis, moitas grazas polo voso facer no cole.

Música entrada e saída

 

A ANPA organiza unha festa no Samaín

 Este curso, por primeira vez, a nosa ANPA organizou unha festa polo Samaín.

Decoraron o cole, organizaron obradoiros de pintura, carautas, maquillaxe, discoteca, xogos...

Tamén trouxeron animadores para organizar actividades lúdicas coa rapazada que resultou un éxito.

Ademáis, o alumnado de 6º de primaria montou unha cantina para recaudar fondos para a súa excursión de fin de curso.

Foi unha xornada de convivencia moi enriquecedora que, esperamos, volver repetir nos vindeiros cursos.

Moitas grazas polo voso bo facer!

Samaín

 Fermosas as cabazas que prepararon as nenas e nenos para decorar o cole e acender no día do Samaín.