Taller de xabón

O pasado  25 de marzo fixemos o II Taller de xabóns. Aquí tedes a receita para quen se anime a facelo na súa casa. Podedes ver tamén unha táboa con alternativas ecolóxicas na limpeza do fogar. Animámosvos a que probedes!

            COMO FACER XABÓN CON ACEITE USADO

Necesitamos:

v  600 ml de aceite

v  600 ml de auga

v  100 g de sosa cáustica

Botamos a auga nun recipiente e sobre el, a sosa (nunca ao revés). Removemos cunha culler de madeira ata que a sosa quede disolta. É importante facer este paso nun lugar ben ventilado (ou ao aire libre). Cando estea completamente disolta a sosa, engadimos o aceite, e mesturamos coa axuda da batedor ata que empece a espesar (hai que bater aproximadamente 10 minutos).

Bótase  a mezcla nun recipiente e, ao cabo de dous días, córtanse as pastillas de xabón e déixanse secar durante un mes antes de usalas.

LIMPEZA ECOLÓXICA E PRODUTOS DE LIMPEZA

Moitos dos produtos de limpeza que usamos no noso fogar, contaminan o planeta e prexudican a nosa saúde. Cando eliminamos as bacterias do noso fogar, eliminamos tamén as que son beneficiosas para nós e para o noso contorno, e sobrecargamos as depuradoras das augas residuais de produtos químicos contaminantes.

ALTERNATIVAS NA LIMPEZA COTIÁ

PRODUTO USADO	ALTERNATIVA
Deterxente	Xabón natural, en pó, relado ou en escamas. Se empregas deterxente, procura que sexa biodegradable e sen fosfatos. Emprega as doses mínimas.
Lixivia	Vinagre ou bórax (un sal mineral que se pode mercar nas farmacias).
Ambientadores	Plantas aromáticas, incenso ou esencias naturais.
Limpamobles	Panos húmidos. Preparar unha mestura de dúas partes de aceite de oliva por unha de vinagre.
Limpacristais	Un xornal mollado e outro seco. Tamén se pode mesturar auga con dúas culleradas de alcohol de queimar.
Desatascadores	Botar polo desaugadoiro un cuarto de taza de bicarbonato de sodio, seguido de media taza de vinagre. Tapalo uns minutos e deixar correr despois auga quente en abundancia.